Fyrirhugaðir virkjanir eru í hjarta Suðurlands

Áhrifasvæði nýrra virkjana í neðri hluta Þjórsár er umfangsmikið og víðfeðmt. Helstu næráhrif á byggðir, umhverfi og náttúru við sjálfa Þjórsá, verða mikil. Fyst má nefna sjónræn áhrif, þar sem nokkrir af fallegustu og vatnsmestu fossum landsins munu hverfa, árfarvegur Þjórsár verður þurr á löngum og fallegum köflum og stórir garðar hlaðnir upp við virkjanalónin. Þessi áhrif munu hafa bein áhrif á landbúnað við ána en sérstaklega mun þetta eyðileggja fyrir ferðamönnum og ferðaþjónustu á svæðinu beggja vegna Þjórsár. Á það við bæði innlenda ferðamenn og sumarbústaðaeigendur, sem og erlenda ferðamenn sem njóta náttúrunnar við ána, hvort sem er akandi, gangandi eða á hestbaki.

Áhrifa virkjananna mun þó gæta miklu víðar um Suðurlandið. Víðtækustu áhrifin verða í formi leirfoks um Suðurlandsundirlendið en fínn jökulleir, sem Þjórsá ber með sér, mun safnast fyrir í farvegi árinnar og við bakka virkjanalónanna. Örfáum áratugum eftir virkjun mun svo þurfa að moka leir upp úr virkjanalónum, þar sem þau fyllast með tíð og tíma, og verður leirinn settur í hauga á bökkum lónanna. Viðvarandi leirfoksvandamál munu óhjákvæmilega verða til verðlækkunar eigna á svæðinu, jarða, bæja og sumarbústaða.

Hér á vefnum er yfirlitssíða með landakorti sem sýnir allar fimm virkjanirnar sem eru fyrirhugaðar í og við neðri hluta Þjórsár.

---

Fjarlægð frá foksvæði við Hvammsvirkjun (efsta virkjunin)

Í töflunni hér að neðan eru vegalengdir til nokkurra staða frá leirfoksvæði í farvegum og lónstæði við efstu virkjunina, Hvammsvirkjun. Neðri virkjanirnar tvær í Þjórsá (Holta- og Urriðafossvirkjanir) verða nær þungamiðju byggðarinnar á Suðurlandi. Þær virkjanir munu valda enn meiri vandræðum til viðbótar vegna leirfoks og annarra inngripa í samfélag, lífríki og landslag í umhverfi Þjórsár.

 

Árnes

Leirubakki

Flúðir

Brautarholt

Reykholt

Hella

Hvolsvöllur

Selfoss

Fjarlægð frá foksvæði

Innan við 3 km frá farveginum

um 10 km

um 13 km

um 17 km

um 20 km

um 25 km

um 30 km

um 40 km

Íbúafjöldi

49

 

419

57

236

830

934

6767

---

Íbúafjöldi sveitarfélaga sem liggja að virkjanasvæðum í neðri hluta Þjórsár

Sveitarfélag

Skeiða- og Gnúpverjahreppur

Rangárþing ytra

Ásahreppur

Flóahreppur

Íbúafjöldi

518

1548

216

616